25 urteren ondoren, Lekunberriko Berri Txarrak talde nafarrari agur esateko kontzertuak abian dira. Taldearen jarraitzaileek duela urte bete jaso zuten berri txarra, baina orain arte bizitakoa eskertzeko unea iritsi zaie askori 2019ko  urriaren 26an, Hernanin. 

 

Donostiatik zalez betetako autobusak gora eta behera dabiltza arratsaldearen hasieratik, Oialume Biltokiko ateak 20:30etan irekitzen diren arren. Askoren harridurarako, helduez gain, gazteak nahiz haurrak ere ikus daitezke kontzertura bidean.  

 

Oialumera iritsi orduko agerikoa da jendeak hain gustuko duen musika entzuteko gogoa, baina aldez aurretik asko indarrak hartzen ari dira biltokiaren alboko tabernan, hau ere Oialume izenekoa.  Bien bitartean, Oialume Biltokira sartzeko ilara luzean jarraitzaileak taldearen abestiak abesten ari dira, izan ere, taldeak abesti batean dioen moduan pasioa baita exigitzea zilegi den gutxienekoa. 

 

Ateak ireki orduko jendetza bultzaka hasi da, guztiak lehen ilaran leku bat lortu nahian. Beste batzuk ordea, kontzertua hasi baino lehenagoko ordu hau merchandising gunera hurbildu eta eguneko oroigarria lortzeko aprobetxatzen dute; kamisetak, pin-ak, diskak, jertseak, partxeak, nahiz katiluak.

 

21:30etan ‘Beude’ abestiaren lehen akordeak entzuten hasi dira, zuzeneko musikari lagundu dien Euskal Herriko espazioei eskerrak ematen dizkiena. Jendea zoratu egin da segundu gutxi batzutan, oihuak musikaren gainetik entzuten dira,